Azərbaycanda 11-ci siniflər üçün indiyədək keçirilən buraxılış imtahanlarında 3 nəfər 300 bal toplayaraq, maksimal nəticə əldə edib.

Dövlət İmtahan Mərkəzindən verilən məlumata görə, həmin abituriyentlərin ikisi Xırdalan şəhər orta məktəb məzunlarıdırlar.

İmtahanda maksimal nəticə göstərən məzunlar Xırdalan şəhər 2 nömrəli tam orta məktəbin cari il məzunu Orucova Balaqız, Xırdalan şəhər 1 saylı orta məktəbin cari il məzunu Huseyn Abdullayev və Lənkəran şəhər 10 saylı tam orta məktəbin ötən ilki məzunu Mirənvər İsmayılzadədir..