Azərbaycanın vergi orqanları tərəfindən 2020-ci ildə qanunvericiliyin tələblərinə əməl etməyən vergi ödəyicilərinə ümumilikdə 27 392,8 min manat məbləğində maliyyə sanksiyaları tətbiq edilib.

"APA-Economics"in xəbərinə görə, bu barədə Nazirlər Kabinetinin 2020-ci ilə dair hesabatında bildirilib.

Bundan əlavə, vergi orqanları tərəfindən 23,7 min manat inzibati cərimə tətbiq edilib. Ötən il həyata keçirilmiş operativ vergi nəzarət tədbirlərinin sayının 2019-cu illə müqayisədə 42,2% azalmasına baxmayaraq, tətbiq olunmuş maliyyə sanksiya və inzibati cərimənin məbləği 2,1 dəfə artıb.

Qeyd edək ki, başa çatan nəzarət tədbirləri üzrə maliyyə sanksiyalarının 91,3%-i mal qalığı, əmək və nəzarət kassa aparatları tədbirlərini payına düşüb.