“Albert Rıjiy” ləqəbli azərbaycanlı avtoriteti qətlə yetirən şəxs tutulub Hadisə

“Albert Rıjiy” ləqəbli azərbaycanlı avtoriteti qətlə yetirən şəxs tutulub

Moskvada azərbaycanlı kriminal avtoritet “Albert Rıjiy” ləqəbli Əli Heydərovun qətlində şübhəli bilinən şəxs saxlanılıb.

APA-nın Moskva müxbirinin xəbərinə görə, bu barədə jurnalistlərə açıqlamasında Rusiya İstintaq Komitəsinin Baş istintaq idarəsinin rəhbərinin müavini Yuliya İvanova bildirib.

Saxlanılan şəxsin 1984-cü il təvəllüdlü Taleh Orucov olduğu bildirilir. Axtarış zamanı onun üzərindən saxta pasport aşkarlanıb. O, istintaqla əməkdaşlıq etməkdən imtina edib.

Qeyd edək ki, aprelin 12-də Moskvanın “Alıye Parusı” elit yaşayış kompleksində yerləşən fitnes mərkəzində silahlı insident baş verib. Müşahidə kameralarının görüntülədiyi insident zamanı silahlı şəxsin azərbaycanlı kriminal avtoritet Əli Heydərovu odlu silahla qətlə yetirdiyi və hadisə yerindən qaçdığı görünür.