ABŞ-da koronavirusa yoluxmanı müəyyən edən maska hazırlanıb Hadisə

ABŞ-da koronavirusa yoluxmanı müəyyən edən maska hazırlanıb

ABŞ-da insanın koronavirusa yoluxub-yoluxmadığını müəyyən edə bilən tibbi maska hazırlanıb.

Trend-in məlumatına görə, tibbi maskanın prototipi Massaçusets və Harvard universitetlərinin mütəxəssisləri tərəfindən yaradılıb.

Qeyd olunur ki, maska xüsusi ötürücü ilə təchiz olunub. Bu ötürücü maskanı bir saat yarım taxdıqdan sonra nəticəni müəyyən edir. Həmin ötürücü tibbi xalatlara və digər geyim növlərinə də bərkidilə bilər.

Mütəxəssislər bildirir ki, bu cür ötürücülərin hazırlanmasına bir neçə il əvvəl, Ebola və Zika viruslarının müəyyənləşdirilməsi məqsədilə başlanılmışdı. Həmin qurğu digər virusların müəyyənləşdirilməsi üçün də uyğunlaşdırıla bilər.