Bu gün saat 11.00-da İnsan haqqları, ictimai vəkillik, demokratiya, hüquq məsələləri və insan alverinə qarşı mübarizə sahəsində çalışan QHT-lər ilə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının üzvü Əvəz Həsənovun online görüşü keçirilib.

"Xalq Cəbhəsi" xəbər verir ki, görüşdə yeni yaranan Agentliyin məqsəd və vəzifələri, strategiyası barədə məlumat verilib, həmçinin görüşdə iştirak edən QHT-lərin əsas problemləri, gözləntiləri və gələcəkdə nəzərdə tutulan qrant müsabiqələrinin mövzuları istiqamətində fikir mübadiləsi aparılıb. Görüş zamanı Agentliyin İcraçı Direktoru Fuad Dərgahlı giriş sözü ilə iştirakçıları salamlayıb və qeyd olunan məsələlər ilə bağlı fikirlərini bölüşüblər.

Cavid