Xəzərdən 21 kq-dan çox narkotik olan bağlama tapılıb - DSX Hadisə

Xəzərdən 21 kq-dan çox narkotik olan bağlama tapılıb - DSX

Xəzərdən 21 kq-dan çox narkotik olan bağlama tapılıb.

Dövlət Sərhəd Xidmətindən verilən məlumata görə, avqust ayının 4-də Dövlət Sərhəd Xidmətinin Sahil Mühafizəsinin bölmələrinin xidməti-döyüş fəaliyyəti çərçivəsində Xəzər dənizinin cənub istiqamətində Lənkəran reydində dəniz sərhədlərinin mühafizəsini həyata keçirən sərhəd gözətçi gəmisi tərəfindən ərazinin müşahidəsi zamanı dəniz istiqamətləndirici nişanına bərkidilmış bir ədəd şübhəli bağlama aşkarlanmışdır. Bağlamaya keçirilmiş baxış zamanı içərisində 20 ədəd kiçik hissələrə bölünmüş şəkildə ümumi çəkisi 21 kiloqam 255 qram “tiryək”ə bənzər narkotik vasitə aşkar olunaraq götürülmüş, fakt üzrə əməliyyat-istintaq tədbirlərinə başlanılıb.