Danışıqlar prosesi ümumiyyətlə, müzakirə mövzusu belə deyil. Bilirik ki, Kreml bunda maraqlı deyil. Və bu, əslində yaxşı haldır, elə deyilmi? Allah eləməsin ki, o, bunu istəyərdi – onda vəziyyət xaosa sürüklənər və nəticəsi proqnozlaşdırılmaz olardı. Mövcud vəziyyətdə isə hakimiyyətdəkilər üçün durum sabit qalır. Bəs liderimiz nə deyir? Deyir ki, Ukrayna şəhərlərimizə qarşı törədilən terrora cavab olaraq Rusiyanın neft emalı zavodlarına zərbələri gücləndirəcək. Bundan əlavə, payıza qədər Moskvanı vura biləcək yerli istehsal olan ballistik raket hazır olacaq.

Xalqcebhesi.az xəbər verir ki, bunu Ukrayna Ali Radasının sabiq deputatı Artur Bilous deyib.

"Hansı nəticələri çıxarmaq olar? Zərər vurmaq uğrunda yarış — yəni bizim tərəfin təbiətən daha həssas və müdafiəsiz olduğu bir mübarizə — davam edəcək və daha da şiddətlənəcək. Başqa nə demək olar ki? Artıq düzgün sözləri tapmaq çətinləşir. Tərbiyəm mənə "dəbdə olan" söyüşlərə əl atmağa imkan vermir — halbuki heç də əndazəni aşan dərəcədə mühafizəkar və ya utancaq biri deyiləm. Beləliklə, sadəcə eyni sözləri təkrar edəcəyəm: qoy hamınızın bir qoruyucu mələyi olsun, dostlar! Allah sizi qorusun! Ümid bağlayacağımız başqa heç nə yoxdur. Buna baxmayaraq, biz bir təhər sağ qalmalıyıq. Hamıya gurultulu partlayışlardan uzaq bir gecə və eyni dərəcədə sakit bir gün arzulayıram!".

Cavid