Yeni tədris ilində bəzi məktəblərdə ənənəvi jurnallar ləğv olunacaq, bəzilərində isə həm ənənəvi, həm də elektron jurnallar olacaq.

Trend xəbər verir ki, bu barədə Bakı Şəhəri üzrə Təhsil İdarəsinin rəhbəri Mehriban Vəliyeva məlumat verib.

O bildirib ki, ötən tədris ilində 94 məktəbdə elektron jurnallar tətbiq olunub, bu il isə Bakının 215 məktəbində elektron jurnal və gündəlikdən istifadə ediləcək: "X-XI siniflərin dərslərdən yayınması məsələsi bir neçə ildir müzakirə edilir. Ümid edirik ki, elektron jurnalların tətbiqi bu məsələdə müsbət rol oynayacaq".