Bakının mərkəzi küçəsində işıqforlarda yaranan problem aradan qaldırılıb Hadisə

Bakının mərkəzi küçəsində işıqforlarda yaranan problem aradan qaldırılıb

Səhər saatlarından paytaxtın Şəmsi Bədəlbəyli küçəsi ilə Səməd Vurğun küçəsinin, eləcə də Mirzəağa Əliyev küçəsi ilə Səməd Vurğun küçəsinin kəsişməsində işləməyən işıqforlar artıq bərpa edilib.

Bu barədə Trend-in sorğusuna cavab olaraq Bakı Nəqliyyat Agentliyinin (BNA) mətbuat xidmətinin rəhbəri Mais Ağayev bildirib.

Onun sözlərinə görə, ərazi üzrə elektrik verilişində yaranmış qısa fasilə səbəbindən küçələrin kəsişməsində quraşdırılan işıqforlar işləmirdi:

“Artıq problem aradan qaldırılıb, işıqforların fəaliyyəti bərpa edilib", - deyə M.Ağayev bildirib.