Ötən həftə Prezident İlham Əliyev üç rayonunun icra hakimiyyətinə yeni başçılar təyin etdiyi zaman çox əhatəli çıxış etdi. Dövlət başçısı bütün məmurlara bir daha ciddi xəbərdarlıq etdi. İnanmaq istərdik ki, məmurlar Azərbaycan Prezidentinin çıxışından nəticə çıxaracaqlar.
Təbii ki, Ramiz Mehdiyev erası başa çatdıqdan sonra idarəetmə fəlsəfəsinin müsbət çalarlara və yeni dövrün tələblərinə uyğun dəyişməsi zərurətə çevrilib.

Bunu "Xalq Cəbhəsi"nə açıqlamasında ekspert Əkrəm Bəydəmirli deyib.

O, qeyd edib ki, Azərbaycanda həyata keçirilən srtuktur islahatlarının hədəflərində yeni düşüncə tərzinin tətbiqi önəmli məsələdir:" Bəzən bunu yeni ideyalar, yeni düşüncə islahatları, kadr dəyişikliyi kimi qəbul olunur. Məhz bu tendensiya korrupsiyaya qarşı mübarizədə əhəmiyyətli element ola bilər. Bütün hallarda düzgün kadr seçimi effektli nəticələr verir.
Mənim qənaətimcə, vəzifəyə təyin olunan kadrlarda bir sıra keyfiyyətlərlə bərabər imanlı, intellektli və ən əsası dövlət tərbiyəsinə sahib olması amili nəzərə alınmalıdır. İmanlı. Intellektli və dövlət tərbiyəsinə sahib insan inanmıram ki, gedib korrupsiyaya qurşansın, milləıtə, dövlətə xor baxsın".
Korrupsiya qarşı mübarizədə inzibati cəza tədbirləri çox zəruridir. Bəzi yüksək vəzifə tutan məmurların korrupsiya əməllərinə, qanunsuz hərəkətlərinə görə, həbsi vəzifədə çalışan digərlərinə ciddi mesajdır. Bu məqamı Cənab Prezidentin çıxışlarında dəfələrlə qeyd edib. Yəqin bir çoxları ibrət dərsi götürüb
öz fəaliyyətində dönüş yaradacaq. İbrət dərsi götürməyənlərin aqibəti bəlidir: "Lakin inzibati cəza tədbirlərindən savayı digər mexanizmlər üzərində düşünmək lazımdır. Təbii ki, belə mexanizmlər yetərincə var".
Cavid