Azərbaycan Gənclər İttifaqı və Azərbaycan Rəqs Assosiasiyasının təşkilatçılığı ilə "Payız əfsanələri" respublika incəsənət və rəqs müsabiqəsi keçirilib.

AZƏRTAC xəbər verir ki, müsabiqədə Bakı Şəhər Mədəniyyət Baş İdarəsinin Əhməd Bakıxanov adına 6 nömrəli uşaq musiqi məktəbinin fortepiano şöbəsinin müəllimi Lalə Useynovanın şagirdləri Aydan Hüseynova Arif Məlikovun "Noktürn", Oktay Xudiyev isə F.Şopenin "e-moll prelyudiya"sını ifa ediblər.

Müsabiqə nəticələrinə əsasən Oqtay Xudiyev II yerə, Aydan Hüseynova isə III yerə layiq görülüb.