Bakı Şəhər Mədəniyyət Baş İdarəsinin 5 nömrəli Uşaq İncəsənət Məktəbində Ulu Öndər Heydər Əliyevin anadan olmasının 100 illiyinə həsr olunmuş IV Məktəbdaxili Müsabiqənin final konserti təşkil edilib.

Baş İdarədən AZƏRTAC-a verilən məlumata görə, əvvəlcə Azərbaycan Respublikasının Dövlət Himni səsləndirilib və Ümummilli Lider Heydər Əliyevin, həmçinin vətən uğrunda canlarından keçən şəhidlərin xatirəsi bir dəqiqəlik sükutla yad edilib.

Münsiflər heyətinin qərarına əsasən fortepiano ixtisası üzrə Əzizə Məmmədzadə Qran-Pri mükafatına, xanəndə ixtisası üzrə Emil Babayev və qanun ixtisası üzrə Əsma Hacızadə 1-ci yerə, vokal ixtisası üzrə Mələk Hüseynova, eləcə də fortepiano ixtisası üzrə Dəniz Məmmədova 2-ci yerə, tar ixtisası üzrə İbrahim Oruczadə, violin ixtisası üzrə Gülay Mirzəxan, xanəndə ixtisası üzrə Zəhra Məmmədli, həmçinin qarmon ixtisası üzrə Əliyusif Abdullayev 3-cü yerə layiq görülüblər.

Sonda müsabiqədə iştirak edən şagirdlərə fəxri fərman, qalib gələn şagirdlərə isə diplomlar təqdim olunub.