“Cozef Baydenin oğlu Hanteri əfv etmək qərarı sui-istifadənin və ədalətin pozulmasının bariz nümunəsidir”.

Bunu xalqcəbhəsi.az-a açıqlamasında Milli Məclisin deputatı Müşfiq Cəfərov deyib.

Deputat qeyd edib ki, Prezident C.Bayden bazar günü axşam saatlarında oğlu Hanter Baydeni əfv edərək onu federal silah və vergi qanunları pozuntusu ilə əlaqədar mümkün həbs cəzasından qurtarıb: “Bundan öncə Bayden prezidentliyin bəxş etdiyi ali səlahiyyətlərdən öz ailə üzvlərinin mənafeyi naminə istifadə etməyəcəyinə söz vermişdi. 2020-ci ildə Bayden Delavar ştatında məhkəmə ilə üzləşən oğlunu əfv etməyəcəyini bildirmişdi. Görünən odur ki, cənab Bayden prezidentlikdən getməmişdən əvvəl səlahiyyəti və nüfuzundan şəxsi mənafeyi üçün istifadə edib”.

Röya İsrafilova