ABŞ-a təsir edən qasırğa və tornado səbəbindən Kentukki ştatında 14, Missuridə 7, Virciniyada 2 nəfər həlak olub.
Xalqcebhesi.az xəbər verir ki, fırtına, tornado və dolu ABŞ-ın mərkəzi bölgələrini və Şərq Sahilini vurub. Ağaclar, elektrik xətləri və avtomobillər aşmış, evlərin damları uçub. Küçələr, prospektlər döyüş meydanına çevrildi.
Miçiqandan Tennessiyə qədər ən azı 600 min insan işıqsız qalıb. Sent-Luis, Missuri Sent-Luis şəhərində 5000-dən çox evə ziyan dəyib. Kentukki qubernatoru Endi Beşar ştatda şiddətli fırtına nəticəsində ən azı 14 nəfərin öldüyünü açıqlayıb. 7-si Missuri, 2-si Virciniya olmaqla ümumilikdə 23 nəfər həyatını itirib.

Məryəm Quliyeva