İsrail ordusu Livanda şiə təşkilatı "Hizbullah"ın obyektlərinə zərbələr endirməyə davam edir.

Xalqcebhesi.az xəbər verir ki, ordu mətbuat xidmətinin məlumatına görə, son sutka ərzində orada 200-dən çox hədəfə hücum edilib.

"İsrail Müdafiə Ordusu son 24 saat ərzində Livanda 'Hizbullah'ın 200-dən çox hədəfinə zərbələr endirib", — deyə məlumatda bildirilir.

Mətbuat xidmətindən qeyd ediblər ki, ordu İsrail ərazisinin Livandan atəşə tutulmasının qarşısını almaq məqsədilə "raket buraxılış qurğularına zərbələr endirməyə davam edir".

Məryəm Quliyeva