Belçika öz Hərbi Hava Qüvvələrinin silahlanmasından çıxarılan ilk yeddi ədəd F-16 təyyarəsini ilin sonunadək Kiyevə göndərəcəyinə yenidən söz verib.

Xalqcebhesi.az xəbər verir ki, bu barədə Belçikanın müdafiə naziri Teo Franken NATO-nun müdafiə qurumları rəhbərlərinin görüşünə gələrkən bəyan edib.

"Belçika Ukraynaya yardımı artıracaq. Biz hələ bu il onlara yeddi ədəd F-16 qırıcısı göndərəcəyik", — deyə Franken bildirib.

O vurğulayıb ki, F-16 "yaxşı çoxməqsədli platformadır" və ondan "qanadlı raketlərə və pilotsuz uçuş aparatlarına qarşı" istifadə etmək mümkündür.

Bununla belə, Franken tədarükün sürətinin Belçikanın köhnə F-16-ları əvəz edəcək 42 ədəd F-35 təyyarəsini 2018-ci il müqaviləsinə əsasən ABŞ-dən hansı müddətdə alacağından asılı olacağını təsdiqləyib.

Belçika 2024-cü ildə Ukraynaya özünün ilk iki F-16-sını tədarük edəcəyinə, daha sonra isə mərhələli şəkildə qalan bütün istismarda olan maşınları ötürəcəyinə söz vermişdi. İndiyə qədər F-35 təyyarələrinin alınmasında yaranan gecikmələr səbəbindən tədarüklər başlamayıb.

Belçika F-16-larının orta yaşı təxminən 40 ildir. Krallığın HHQ-nin balansında təqribən 200 maşın qeyd olunsa da, yerli medianın qiymətləndirmələrinə görə, onlardan ən çoxu 40-ı işlək vəziyyətdədir.

Məryəm Quliyeva