Rusiya Azərbaycan və Gürcüstandan fövqəladə vəziyyətlər zamanı ümumilikdə 600 MVt həcmində elektrik enerjisi idxal etmək imkanı nəzərdən keçirir.

Xalqcebhesi.az xəbər verir ki, bu barədə Rusiyanın “İnter RAO” enerji şirkətinin idarə heyətinin üzvü Aleksandr Panin Ümumrusiya Tarif Konfransı çərçivəsində jurnalistlərə deyib.

“Bəli, biz iki ölkəyə müraciət etdik: Azərbaycan və Gürcüstandan tədarük imkanını soruşduq. İdxal imkanını nəzərdən keçiririk və fövqəladə vəziyyətlərdə iki qonşu enerji sisteminin idxal imkanlarını soruşduq”, - deyə o bildirib.