Bu ilin yanvar-fevral aylarında Azərbaycanda kompüter, elektron və optik məhsulların, elektrik avadanlıqlarının istehsalı sahələrində 35,3 milyon manatlıq məhsul istehsal olunub.

Bu barədə Dövlət Statistika Komitəsindən bildirilib.

Məlumata görə, əvvəlki ilin müvafiq dövrü ilə müqayisədə kompüter, elektron və optik məhsulların istehsalı 27,8%, elektrik avadanlıqlarının istehsalı 5,2% artıb.

İki ayda illik müqayisədə stolüstü kompüterlərin istehsalında 3,6 dəfə, məişət soyuducuları və dondurucularının istehsalında 40,0%, ölçmə cihazlarının istehsalında 38,8%, digər elektrik naqillərinin istehsalında 34,8%, elektrik tənzimləyici cihazlarının istehsalında isə 20,4% artım olub.