Bu il neft qiymətlərinin 65 dollar səviyyəsində olacağı gözlənilir.

Bunu Trend-ə “Fitch Ratings” agentliyinin Avropada suveren fondlar üzrə direktoru Marina Stefani deyib.

Onun sözlərinə görə, 2020-ci ildə neftin qiyməti 62,5 dollar səviyyəsində olacaq.

Ekspert onu da qeyd edib ki, Azərbaycanda qaz hasilatı “Şahdəniz” yatağının işlənməsinin ikinci mərhələsi sayəsində artacaq.

Qeyd edək ki, “Şahdəniz” yatağının işlənməsi ilə bağlı müqavilə 1996-cı ilin iyununda imzalanıb.