Bu ilin ilk yarısında Azərbaycan əhalisi pərakəndə ticarət şəbəkəsində 76,783 mln. manat dəyərində ət alıb.

"APA-Economics"in Dövlət Statistika Komitəsinin məlumatları əsasında apardığı hesablamalarına görə, bu, 2020-ci ilin eyni dövrü ilə müqayisədə 14,2% çoxdur. Hesabat dövründə əhali quş ətinə üstünlük verib. Belə ki, satışların 51,9%-ni ev quşlarının əti təşkil edib.

Qeyd edək ki, cari ilin təkcə II rübündə pərakəndə ticarət şəbəkəsində əhali 39,854 mln. manatlıq ət alıb, bu da illik müqayisədə 25% çoxdur. II rübdə də üstünlük quş ətinə verilib (satışların 52,8%-i).