Azərbaycan ilk dəfə olaraq Avropa İttifaqına işlənmiş dəri ixrac edəcək.

Bunu jurnalistlərə açıqlamasında Azərbaycan Qida Təhlükəsizliyi Agentliyinin sədri Qoşqar Təhməzli deyib.

O bildirib ki, hələlik heyvan mənşəli qidalardan ilk dəfə dəri ixracına icazə verilir: "Növbə ilə digər heyvan mənşəli qidaların Avropaya ixracı istiqamətində tədbirlər həyata keçiriləcək. Bu təbii ki, sadə proses deyil. Qida Təhlükəsizliyi Agentliyi yarandığı andan etibarən üç il ərzində bu sahədə tədbirlər həyata keçirirdi. Bu həm də Azərbaycanda heyvan xəstəliklərinin nəzarətdə olmasına dəlalət edir".

Agentlik sədri bildirib ki, növbəti mərhələdə yun, bal və digər heyvan mənşəli məhsulların mərhələlərlə Avropa İttifaqına ixracı üçün addımlar atılacaq: "Artıq Azərbaycanda iki şirkətin işlənmiş dərinin ixracı ilə bağlı müsbət cavab alınıb".