Ermənistanda müxalifətin aksiyası dinamika qazanıb. "Şərəfim var" fraksiyasının lideri, aksiyaların təşəbbüskarı Artur Vanetsyan bu barədə xəbərdarlıq etmişdi və "Mübarizəmiz yeni mərhələyə qədəm qoyur", - demişdi.
Polisin aksiya iştirakçıları ilə rəftarından belə qənaətə gəlmək olar ki, Paşinyan müxalifətə "göz açmağa" imkan verməyəcək. Nəzərə alsaq ki, Paşinyan, hələ də ölkənin ən reytinqli siyasətçisi hesab edilir, Vanetsyanla mübarizə onun üçün çətin olmamalıdır.
Bunu “Xalq Cəbhəsi”nə politoloq İlyas Hüseynov Ermənistanda baş verən etiraz aksiyalarılna münasibətində deyib.
O, bildirib ki, hazırkı vəziyyətdə orduda itaətsizlik böyük problemlərə gətirib çıxara bilər. Aydın məsələdir, Ermənistan ordusuna kənar qüvvələrin təsir imkanları böyükdür. Ona görə, Azərbaycanla sərhəd xəttində təxribatların törədilməsi ehtimalı var və bu, normallaşma prosesinə mənfi təsir göstərəcək: “Paşinyan ordudan gələ biləcək təhlükələrdən sığortalanmaq üçün bir müddət öncə komanda üzvlərindən Suren Papikyanı müdafiə naziri təyin edib. Paşinyan bununla orudunu tam olaraq özünə tabe etmək istəsə də, həssas dövrdə yeni təhlükə ocaqları meydana gələ bilər”.
Cavid