"Milli Məclisin yaz sessiyasında 13 iclas keçirilib, , 70 qanun və qərar qəbul edilib".
Xalqcəbhəsi.az xəbər verir ki, bunu Milli Məclis sədri Sahibə Qafarova deyib. O,
bildirib ki, parlament Azərbaycan Prezidenti İlham Əliyevin apardığı quruculuq və islahatlar siyasətinin qanunvericilik bazasının gücləndirilməsində fəal rol oynayıb.
Spiker bildirib ki, sessiya dövründə parlament beynəlxalq əlaqələrin inkişaf etdirilməsinə diqqət ayırıb: "28 ölkəyə əllidən çox səfər edilib, bu səfərlərdə 95 deputat iştirak edib.
Milli Məclis sədri 6 ölkəyə rəsmi, bir ölkəyə işgüzar səfər edib.
Eyni zamanda Milli Məclisdə 15 ölkənin yüksək səviyyəli dövlət rəsmiləri ilə müzakirə aparıb".
Spiker bildirib ki, parlamentin yaz sessiyası uğurlu olub. Bu günkü iclas yaz sessiyasının sonuncu iclası olub.

Əli