Sərhəd təhlükəsizliyinin təmin edilməsi məsələsi Azərbaycan Respublikasının Prezidenti cənab İlham Əliyevin xüsusi diqqətindədir.
APA xəbər verir ki, bunu DSX rəisi, general-polkovnik Elçin Quliyev MDB Sərhəd Qoşunlarının Komandanları Şurasının 86-cı iclasında çıxışı zamanı deyib.

“Dövlət başçısı son 20 ildə Dövlət Sərhəd Xidmətinin müxtəlif hərbi

hissələrində 40 dəfədən çox olub, bölmələrdə görülən işlərin vəziyyəti ilə şəxsən tanış olub. Cənab Prezidentin bilavasitə dəstəyi ilə sərhəd təhlükəsizliyi sisteminin təkmilləşdirilməsi istiqamətində kompleks tədbirlər və tədbirlər həyata keçirilmiş və həyata keçirilməkdə davam edir”, - Elçin Quliyev qeyd edib.

Onun sözlərinə görə, sərhəd infrastrukturunun yaxşılaşdırılması, şəxsi heyətin sosial müdafiəsinin yaxşılaşdırılması istiqamətində zəruri tədbirlər həyata keçirilir.

“İşğaldan azad edilmiş ərazilərdə sərhəd infrastrukturunun yaradılmasına xüsusi diqqət yetirilir. Ölkənin ərazi bütövlüyü bərpa edildikdən sonra dövlət sərhədinin azad edilmiş hissələrində xidməti-döyüş fəaliyyətinin təşkili üçün zəruri tədbirlər həyata keçirilib. Qubadlı əlahiddə sərhəd diviziyası, çevik reaksiya qüvvələri briqadaları və müxtəlif hərbi birləşmələr yaradılıb”, - DSX rəisi vurğulayıb.