“Azərbaycan beynəlxalq hüququn pozulmasına görə, ən çox ziyan çəkən ölkədir. 30 il ərzində ABŞ və Fransa Azərbaycanı işğalla barışdırmağa çalışıb”. Xalqcəbhəsi.az xəbər verir ki, bu fikirləri Milli Məclisin bu gün keçirilən plenar iclasında çıxışı zamanı deputat Azər Badamov deyib. A.Badamov bildirib ki, onların yaratdığı Minsk qrupu BMT Təhlükəsizlik Şurasının qətnamələrini heçə saydı və siyasi teatr səhnələri qurdu: “Torpaqları işğaldan azad etmək nə vaxtdan beynəlxalq hüququn pozulması hesab edilir? Bu qədər riyakarlıq və ikiüzlülük olmaz”.