GUAM-ın Baş katibi Altay Əfəndiyev Azərbaycan Respublikasının Prezidenti İlham Əliyevə başsağlığı məktubu ünvanlayıb.

Xalqcebhesi.az xəbər verir ki, başsağlığı məktubunda deyilir:

"Zati-aliləri, hörmətli cənab Prezident.

Demokratiya və İqtisadi İnkişaf Naminə Təşkilatın - GUAM-ın Katibliyinin beynəlxalq əməkdaşları olaraq “Azərbaycan Hava Yolları” aviaşirkətinə məxsus sərnişin təyyarəsinin qəzaya uğraması və çoxsaylı insan itkisi ilə nəticələnən faciə barədə kədərli xəbər bizi dərindən sarsıtdı.

Faciə zamanı həlak olanların ailələrinə dərin hüznlə başsağlığı verir, yaralananların tezliklə sağalmasını arzulayır, bu çətin günlərdə Azərbaycan xalqının kədərini bölüşürük".