Vaqif Qarayev: “Bu da çox təhlükəli tendensiyadır, yoluxma sayını katastrofik həddə çatdıra bilər”

“Şəhidlərə hörmət və ehtiram borcumuzdur. Onların dəfni də urvatlı olmalıdır”. Bunu “Xalq cəbhəsi”nə açıqlamasında tanınmış həkim Vaqif Qarayev Deyib. O, bildirib ki, amma virus hələ də tüğyan edir: “Kütləvi tədbirlərdə, dəfndə yüzlərlə insan nəfəs-nəfəsə iştirak edir. Bu da çox təhlükəli tendensiyadır, yoluxma sayını katastrofik həddə çatdıra bilər. Buna görə də bunun baş verməməsi üçün bir çıxış yolu tapılmalıdır”.
V.Qarayev həmçinin iyulun 14-də keçirilən orduya dəstək aksiyasına da münasibət bildirib: “İdarə olunmayan kütlə çox təhlükəlidir, instinktlə hərəkət edir. Bunu biz görmüşük 90-cı illərdə görmüşük. Həmin gecə aksiya "konflikti sülh yolu ilə həll edin" göstərişi verən avropalılara (dünyaya) xalqın müharibə istəyinin, torpaq sevgisinin nümayişi idi...Amma parlamentin binasına daxil olanlar bizdən deyildi! Dövlət o kiçik kütləni (təxribatçıları) idarə edənləri aşkar edib ciddi cəzalandırmalıdır!”.

Əli Zülfüqaroğlu