İran üçün işğalçılıq heç bir vəchlə qəbul ediləsi deyil.

Bunu İran Prezidenti Həsən Ruhani bu gün İran hökuməti üzvlərinin iclasında deyib.

H.Ruhaninin sözlərinə görə, bu məsələdə qonşu ölkənin haqqını vermək lazımdır:

"Region çox həssas regiondur. İran müharibənin heç kimin xeyrinə olmadığını hesab edir. Siyasi yollarla, siyasi fəaliyyətlə bu məsələni həll etmək olar.

Önəmli olan budur ki, bu müharibə regional müharibəyə çevrilməməlidir. Hamı reallığı qəbul etməli, hamı ölkələrin ərazi bütövlüyünə hörmətlə yanaşmalıdır".

Ruhani bildirib ki, heç bir məsələ müharibə ilə həll olunmur, başqa yollar da mövcuddur. İran bu istiqamətdə hər bir köməyi etməyə hazırdır:

"İran Azərbaycan xalqının hüququna hörmətlə yanaşır və Azərbaycanın ərazi bütövlüyünə təkid edir. Azərbaycan İran üçün qardaş ölkədir."