Livanlı hüquq müdafiəçiləri dünya ictimaiyyətindən Azərbaycan ərazilərinin işğalçılarının mühakiməsini tələb edir.

Bunu livanlı ekspert, hüquq müdafiəçisi Tarik Şandib deyib.

O qeyd edib ki, erməni tərəfinin kapitulyasiya sənədini imzalaması vacib və əhəmiyyətli hadisədir:

“Ermənilər hərbi cinayətlər, bəşəriyyətə qarşı, Azərbaycan xalqına qarşı cinayətlər törədib, ona görə də ədalət məhkəməsi cinayətkarları məsuliyyətə cəlb etməli və qurbanlara təzminat ödəməlidir”.

T.Şandib bildirib ki, Ermənistan tərəfində Azərbaycan xalqına qarşı döyüşmək üçün müxtəlif ölkələrdən gələn muzdlular da Azərbaycan qarşısında məsuliyyətə cəlb olunmalıdır:

“Azərbaycanın qələbəsi bir daha Bakının hərbi və siyasi gücünü sübut edir”.