“22 yanvar 2025-ci il tarixində Ov Məsələləri üzrə Elmi Koordinasiya Şurasının növbəti iclası keçirilib. İclas zamanı ölkə ərazisində ov mövsümünün açıq elan edilməsi ilə bağlı qərar qəbul edilib”.

Bunu xalqcəbhəsi.az-a Bioloji Müxtəlifliyin Qorunması Xidmətinin rəsmisi Arzu Babayeva söyləyib.

A.Babayeva qeyd edib ki, ov etmək istəyən vətəndaşlar quşların ovlanma müddətləri və normaları ilə bağlı məlumatları Ekologiya və Təbii Sərvətlər Nazirliyinin (ETSN) rəsmi internet səhifəsinin “Elanlar” bölməsindən əldə edə bilərlər: “Ov etmək istəyən hər kəsi ovçuluq təsərrüffatlarının sahələrindən istifadəyə və qanunvericiliyin qaydalarına əməl etməyə səsləyirik. Əks halda, qanunvericiliyi pozan şəxsləri qanunla müəyyən olunmuş qaydada cəzalar və cərimələr gözləyir”.

Röya İsrafilova