Məhkəmənin qərarına baxmayaraq, Təbrizin vətəndaşlıq vəziyyəti aktlarının qeydiyyatı idarəsinin əməkdaşları Əmrə Xansariyə kimlik verməkdən imtina edir.

Gunaz.tv

Bu barədə Balamın Adı kampaniyasına məlumatlı mənbə bildirib.

"Uşağın ata-anası ona türkcə sevgili, sevilən və istənən mənasını verən Əmrə adını seçib. Amma Təbrizin qeydiyyat idarəsinin Lalə şöbəsi bu ada doğum haqqında şəhadətnamə verməkdən imtina edib. Rəsmilər bu ad ad seçim sistemində olmadığı üçün ona doğum haqqında şəhadətnamə verə bilməyəcəklərini açıqlayıblar." - deyə məlumatda bildirilib.

Əmrənin valideynləri də idarədən Təbriz Baş Məhkəməsinin 18-ci şöbəsinə şikayət edib. Lakin Təbriz Vətəndaşlıq Dairəsi doğum haqqında şəhadətnamə vermək əvəzinə məhkəmənin qərarına etiraz edib və məhkəmə işini İnzibati Ədalət Məhkəməsinə göndərib. İnzibati Məhkəmə isə Əmrənin valideynlərinin şikayətini rədd edib.

Beləliklə bu tipli bürokratik əngəllər nəticəsində Əmrə artıq 5 aydır ki, doğum haqqında şəhadənamə ala bilmir.