Urmu gölünün yaxınlığında yerləşən Quşçu bölgəsində güclü duz fırtınası başlayıb.

Gunaz.tv

Bu haqda yerli mənbələr paylaşım edib.

Məlumata görə, Urmu gölünün qurumuş yatağından başlayan duz fırtınası başqa bölgələrə də yayılmaqdadır.

"Bu, təkcə tufan deyil - onlarla şəhər və kəndi təhdid edən ekoloji böhranın başlanğıcıdır",- məlumatda xəbərdarlıq edilib.

Qeyd edək ki, son məlumatlara görə, Urmu gölü tamamilə quruyub və peyk görüntülərində müşahidə olunmur.

İran Prezidenti Məsud Pezeşkian seçki qabağı təbliğat və təşviqat kampaniyasında seçiləcəyi təqdirdə əsas hədəflərindən birinin Urmu gölünün bərpası olduğunu bildirmişdi.