Tehranda etiraz aksiyalarının başlamasından sonra dekabrın 29-u gecə saatlarında Həmədan şəhərində də etiraz aksiyaları keçirilib.

Gunaz.tv

Bu haqda yerli mənbələr məlumat yayıb.

Məlumata görə, şəhərin mərkəzi küçələrinə çıxan narazılar Tehran etirazçılarına dəstək verib, hökumətə qarşı şüarlar səsləndiriblər.

Bununla yanaşı Məlard şəhərində də oxşar aksiya keçirilib.

Gecə saatlarında Tehran Univesitetinin tələbə şəhərciyində də tələbələr etiraz aksiyasına əl atıblar.

Qeyd edək ki, bir bir neçə gündür dolların kəskin bahalaşmasından sonra Tehranda hökumətin iqtisadi siyasətlərinə qarşı etiraz aksiyaları keçirilir.

Tehranın bir neçə əsas bazarı bağlanıb, narazılar başqa bazar və müəssisələrində bağlanması barədə çaırışlar ediblər.