Təbrizin "Traktor" futbol komandasının xrovatiyalı baş məşqçisi Draqan Skoçiç komandadan ayrılmaq qərarına gəlib.

Gunaz.tv

Bu barədə idman mediası məlumat yayıb.

Məlumata görə, klubun israrlarına baxmayaraq, baş məşqçi fəaliyyətini dayandıracağı barədə qəti qərar qəbul etdiyini bildirib.

Bildirilib ki, buna səbəb komandanın kapitanı Çüca Xəlilzadə ilə Skoçiç arasında baş verən qarşıdurma olub:

"Kapitanın ondan üzr istəməsinə baxmayaraq, baş məşqçi qərarını dəyişməyəcəyini söyləyib".

Qeyd edək ki, bəzi ehtimallara görə isə Draqan İskoçiçin "Traktor"dan ayrılmasına səbəb İrana hücum riskinin artmasıdır.