İspaniyanın "Barselona" futbol klubu Almaniyanın "Bavariya" komandasına məğlub olaraq son 20 ildə ilk dəfə Çempionlar Liqasının pley-off mərhələsinə çıxa bilməyib.

“Barselona” Çempionlar Liqasının altıncı turu çərçivəsində səfərdə “Bavariya”ya böyük hesabla məğlub olub.

Görüş Münhendə baş tutub və 3:0 hesabı ilə başa çatıb. Qolları Tomas Müllerin (34-cü dəqiqə), Leroy Sane (43) və Camal Musiala (62) vurublar.

Beləliklə, “Barselona” son 20 ildə ilk dəfə Çempionlar Liqasının pley-off mərhələsinə çıxmayıb. Komanda sonuncu dəfə 2000/2001 mövsümündə qrupdan çıxa bilməyib.