Gürcüstan Müsəlmanları İdarəsi Acarıstan Muxtar Vilayətinin mərkəzi şəhəri Batumidə iftar məclisi təşkil edib. Məclisdə İdarənin şeyx və müftiləri, din xadimləri və dindarlarla yanaşı Azərbaycan, Türkiyə və İran İslam Respublikası səfirlik və konsulluq nümayəndələri, Acarıstanın rayon və kəndlərindən dəvət olunan inanclı müsəlmanlar, ictimaiyyət xadimləri və təşkilat sədrləri iştirak edib.
İftar məclisi Quran tilavəti və Ramazan duası ilə başladıqdan sonra idarənin dini rəhbərləri məclis iştirakçılarını salamlayıb, mübarək Ramazan günləri münasibəti ilə ürək sözlərini bildirmiş, ölkə və dünya müsəlmanlarına təbriklərini və xoş arzularını çatdırıblar.
Cavid