İtaliyanın maliyyə naziri Daniele Franko ölkənin Ukraynaya əlavə 200 milyon avro yardım göndərəcəyini açıqlayıb.

Bu barədə "Il Sole 24 Ore" qəzeti bildirib.

"Qarşıya çıxacaq başqa bir məsələ bərpadır, görüşlərdə kimsə Ukrayna üçün Marşal planından danışıb", - deyə nazir qeyd edib.

Onun sözlərinə görə, Beynəlxalq Valyuta Fondunun iclaslarında və müxtəlif forumlarda Ukrayna böhranının iqtisadi nəticələrindən tutmuş inflyasiyaya qədər “hazırda son dərəcə aktual olan” məsələlərə toxunulub.