Finlandiya parlamenti ölkənin NATO-ya üzv olmaq təklifini dəstəkləyib.

Trend-in məlumatına görə, bu barədə müvafiq qərar parlamentin bugünkü iclasında qəbul edilib.

Finlandiyanın alyansa üzv olması təklifini 188 deputat dəstəkləyib, 8 nəfər əleyhinə səs verib.

Xatırladaq ki, ötən gün müvafiq qərarı İsveç parlamenti və hökuməti qəbul edib. Bu gün İsveçin xarici işlər naziri NATO-ya üzvlüklə bağlı müraciəti imzalayıb.