Kanada NATO-nun ölkə ÜDM-nin 2%-ni müdafiəyə ayırmaq tələblərini yerinə yetirmək üçün növbəti beş il ərzində hərbi büdcəsini 75,3 milyard dollar artırmalıdır.

Trend xarici KİV-ə istinadla xəbər verir ki, bunu Britaniya parlamentinin büdcə komitəsinin təmsilçisi İv Jiru bildirib.

Onun hesablamalarına görə, tələb olunan xərc səviyyəsinə nail olmaq üçün hərbi büdcə 2022-2023-cü maliyyə ilində 36,3 milyard dollardan 2026-2027-ci ildə 51 milyard dollara yüksəlməlidir.
Eyni zamanda, parlamentari belə qənaətə gəlir ki, bu qədər vəsait Kanada üçün “əlçatmaz” olaraq qalır, lakin o, beş ildən sonra “standart”la fərqin azalacağını gözləyir.

2021-ci ildə Kanada hökuməti ÜDM-nin təxminən 1,36%-ni silahlı qüvvələrin saxlanmasına xərcləyib ki, bu da Belçika, Lüksemburq, Sloveniya və İspaniya istisna olmaqla, NATO üzvləri arasında ən aşağı xərc səviyyəsi olub.