Livanda meymunçiçəyinə ilk yoluxma faktı qeydə alınıb.

Bu barədə ölkənin Səhiyyə Nazirliyi bildirib.

Qeyd olunur ki, virus xaricdən gəlmiş qadında aşkar edilib. Onun ev şəraitində təcrid olunduğu, sağlamlıq vəziyyətinin stabil olduğu deyilir.
Hazırda həmin qadının təmasda olduğu şəxslər müəyyənləşdirilir. Onun hansı ölkədən olduğu açıqlanmayıb.

Qeyd edək ki, Ümumdünya Səhiyyə Təşkilatının məlumatına əsasən, bu günədək meymunçiçəyinə 50-yə yaxın ölkədə 2 mindən çox şəxs yoluxub.