Türkiyə jandarm qüvvələrinin Diyarbəkir vilayətində keçirdiyi antiterror əməliyyatında iki hərbçi həlak olub.

Trend-in məlumatına görə, bu barədə ölkənin Daxili İşlər Nazirliyi bildirib.

Qeyd olunur ki, dağlıq bölgədə PKK mənsublarına qarşı keçirilən əməliyyat zamanı üç hərbçi yaralanıb.

Xəstəxanaya yerləşdirilən yaralılardan iki nəfərinin həyatını xilas etmək mümkün olmayıb.

Bölgədə antiterror əməliyyatı davam etdirilir.