Səudiyyə Ərəbistanı sentyabr ayında Asiya bazarı üçün neft qiymətini rekord həddə qaldırmağa hazırlaşır

APA-nın xəbərinə görə, bu barədə Bloomberg agentliyi məlumat verib.
Mütəxəssislərin fikrincə, Səudiyyə Ərəbistanı qiymətləri qaldıracağı təqdirdə tələb azalacaq. Bəzi asiyalı istehsalçılar sentyabr ayından etibarən istehsal gücünün azaldılması barədə düşünürlər.
Bundan əvvəl Səudiyyə Ərəbistanı və İraqın Rusiyaya qarşı sanksiyalar fonunda Avropa bazarına neft tədarükünü artırdığı bildirilirdi. Ümumilikdə, Yaxın Şərq ölkələri iyulda Avropaya sutkada 2,2 milyon barelə qədər neft tədarük edib. Bu, 2022-ci ilin yanvar ayı ilə müqayisədə təxminən 90% çoxdur.