ABŞ-ın "NBCUniversal" media korporasiyasının satış direktoru Linda Yakkarino "Twitter" şirkətinin yeni baş direktoru olmaq üçün danışıqlar aparır.

Trend-in məlumatına görə, bu barədə "The Wall Street Journal" qəzeti mənbələrə istinadən bildirib.

Nəşr qeyd edib ki, L.Yakkarino 10 ildən çox "NBCUniversal"da işləyib. Bütün karyerası boyunca o, reklamın effektivliyinin qiymətləndirilməsi üsullarının təkmilləşdirilməsinin tərəfdarı olmuşdu.
Qeyd edək ki, mayın 11-də "Twitter" şirkətinin sahibi İlon Mask eyniadlı şəbəkənin səhifəsində altı həftə ərzində baş direktor vəzifəsini tərk edəcəyini açıqladı, yeni namizəd artıq tapılıb.