Avropa Parlamenti Macarıstanın 2024-cü ilin ikinci yarısında Aİ-yə sədrlikdən məhrum edilməsinə dair qətnamə layihəsi hazırlayıb.

Trend xəbər verir ki, bu barədə Macarıstanın ədliyyə naziri Yudit Varqa özünün "Facebook" səhifəsində bildirib.

"Gələn həftə Avropa Parlamenti Macarıstanın 2024-cü ilin ikinci yarısında Aİ-yə sədrliyinin qarşısını almaq üçün Macarıstanın əleyhinə qətnaməyə yenidən səs verəcək. Biz bu fürsəti Macarıstanın əlindən almalarına imkan verməyəcəyik", - deyə nazir bildirib.
O vurğulayıb ki, Avropa İttifaqına sədrliklə bağlı qərarı Aİ Şurası verir və ölkə onun baş katibliyi ilə gündəlik əlaqə saxlayır.