Prezident Rəcəb Tayyib Ərdoğan Çankaya Köşkündə mətbuat konfransı keçirərək Türkiyənin Əsrin vitse-prezidentini və yeni kabinetini açıqlayıb. Ərdoğanın açıqladığı yeni kabinet dünyada geniş işıqlandırılarkən, Forbes jurnalı yeni xarici işlər naziri Halan Fidan üçün maraqlı təhlil yazıb. Xalcəbhəsi.az xarici mediaya istinadən xəbər verri ki, Prezident Rəcəb Tayyib Ərdoğan Çankaya Köşkündə keçirilən proqramda “Türkiyənin Əsrin Kabineti”ni açıqlayıb. Ərdoğanın açıqlamaları dünyada əks-səda doğurmaqda davam edir. Beynəlxalq agentlikər, bir çox qəzet və televiziyalar diqqəti Türkiyəyə yönəldib.
Ən diqqətçəkən ad isə Hakan Fidandır
“Türkiyənin kəşfiyyat şefi bir nömrəli diplomat oldu” başlıqlı yazıda bu fikirlər yer alıb: “Bu dəyişiklik sadəcə bürokratik dəyişiklik deyil. Bu, ABŞ-dan Avropa İttifaqına, Rusiyadan tutmuş Yaxın Şərqin labirint siyasətinə qədər hər bir maraqlı tərəfə açıq çağırışdır. Onun kəşfiyyatçı profili illər boyu Hakan Fidanın beynəlxalq məsələlərə qarışmasını diktə etdi və onu ölkənin siyasi mənzərəsində əsas fiqur kimi formalaşdırdı”.
Forbes vurğulayır ki, yeni vəzifəsi Fidana qlobal səhnədə silinməz iz buraxmaq üçün çox mühüm fürsət təqdim edir: “Fidan artıq Türkiyənin ən önəmli xarici siyasət aktorlarından biridir: “BBC müxbiri, Böyük Britaniya Parlamentinin Xarici Əlaqələr Komitəsinin keçmiş baş müşaviri və beyin mərkəzinin analitiki kimi işlədiyim müddətdə dövlət başçıları, yüksək rütbəli kəşfiyyat zabitləri, nazirlər və siyasətçilər də daxil olmaqla bir sıra nüfuzlu şəxslərlə qarşılıqlı əlaqədə olmaq imkanına sahib olmuşam. Bu insanların bir çoxu Fidanla birbaşa işləyib və ya əlaqələri olub. Onların yolları Pakistandan Yaxın Şərqə, Avropaya və ABŞ-a qədər müxtəlif yerlərdə kəsişib. Söhbətlər istər-istəməz Türkiyənin xarici siyasətinə və onun ölkə hüdudlarından kənardakı hərəkətlərinə çevrilib”.
Bu söhbətlərdə “Türkiyənin qlobal addımlarına rəhbərlik edən görünməz əl olan MİT-in əhəmiyyəti hər zaman vurğulanıb” deyən Forbesin təhlili belə davam edir: “Söhbət etdiyim hər kəs Fidanın zəkasını və strateji şücaətini bilir, bəziləri hətta onu doktor Fidan deyir. Geniş beynəlxalq əlaqələri ilə Fidan qlobal siyasətin mürəkkəb dünyasında Türkiyənin strateji naviqasiyasının əsas dizayneri kimi ön plana çıxıb. Buna görə də, onun son irəliləyişləri təəccüblü deyil. Qabiliyyətləri onunla ünsiyyətdə olanlar tərəfindən qəbul edilir.
Hərbi diplomatiya dünyasında Türkiyə ümumiyyətlə pilotsuz uçuş aparatları texnologiyası obyektivindən tanınıb. Ancaq bu uğurun ürəyi ağlın ritmi ilə döyünür. “Bu hərbi gücü qidalandıran Fidan kimi adamlar tərəfindən diqqətlə toplanan kəşfiyyat məlumatlarıdır”.
“MİT-in təmin etdiyi zəngin kəşfiyyat damarı olmasaydı, onun hərbi təşəbbüslərinin effektivliyi kəskin şəkildə azalardı” deyən Forbes, “Fidanın Xarici işlər naziri vəzifəsinə yüksəlişi, əvvəlki çətinliklərə baxmayaraq, Türkiyənin xarici siyasətində mühüm dönüş nöqtəsidir”.

Əli