Dərman çatışmazlığı və əczaçı çatışmazlığı səbəbindən səhiyyə sektorunda çətin günlər yaşayan Fransada böhran böyüyür. Xalqcəbhəsi.az xarici mediaya istinadən xəbər verir ki,
Fransa Səhiyyə Nazirliyi təqaüdə çıxmış tibb işçilərini, tələbələri və tibb təcrübəsi olan hər kəsi könüllü olaraq xəstəxanalarda iştirak etməyə çağırıb. Həkim və tibb bacısı çatışmazlığı səbəbindən ölkədəki bir çox xəstəxanaların müxtəlif şöbələri, xüsusilə də təcili yardım xidmətləri bağlanıb.
Təcili yardımda gözləmə müddətinin ən az 12 saat olduğu ölkədə təcili yardım saat 19.00-da bağlanır. Ölkədə uzun müddətdir kadr çatışmazlığı və təcili yardım otaqlarında uzun müddət gözləmək həm mövcud personal, həm də xəstələr üçün çətin günlər yaradır.