Ukrayna təyyarəsinin qəzaya uğramasına görə məsuliyyət daşıyan 10 nəfər barədə hökm çıxarılıb.

APA xəbər verir ki, bunu İran Xarici İşlər Nazirliyinin sözçüsü Nasir Kənani bugünkü mətbuat konfransında deyib.

“Hadisənin İranda baş verdiyini nəzərə alaraq səlahiyyətli yerli məhkəmə qəzanı tam şəkildə araşdırıb və bu qəzada təqsirli olan 10 nəfər barəsində hökm çıxarıb", - Kənani qeyd edib.

Xatırladaq ki, iyunun 29-da Kanada, İsveç, Ukrayna və Böyük Britaniya İranı Ukrayna təyyarəsinin vurulması ilə bağlı Beynəlxalq Ədalət Məhkəməsinə verəcəyini açıqlayıb.