Rusiya prezidenti Vladimir Putin Şərq İqtisadi Forumunun plenar iclasında iştirak edir.

Trend xəbər verir ki, 8-ci Şərq İqtisadi Forumu (EEF-2023) 10-13 sentyabr tarixlərində Rusiyanın Vladivostok şəhərində keçirilir.

"Əməkdaşlıq, sülh və tərəqqi yolunda" şüarı ilə keçirilən forumun təşkilatçısı "Roskonqress" Fondudur.
Qeyd edək ki, xarici dövlətlərin rəhbərləri builki Şərq İqtisadi Forumunda (EEF-2023) iştirak etməkdən imtina ediblər. Məlumata görə, forumda Rusiya prezidenti Vladimir Putinlə yanaşı, iştirak edəcək ən yüksək vəzifəli xarici nümayəndə Laosun vitse-prezidenti Pani Yatxotu və Çin Xalq Respublikası Dövlət Şurasının baş nazir müavini Çjan Qoçin olacaq.