İsrail Müdafiə Qüvvələri ölkənin hərbi-siyasi kabinetinə Qəzza zolağındakı döyüş bölgələrindən əhalinin təxliyəsi planını təqdim edib.

Bu barədə İsrailin baş naziri Benyamin Netanyahunun ofisi bildirib.

“Hərbi-siyasi kabinetin iclasında İsrail ordusu Qəzzadakı döyüş bölgələrindən əhalinin təxliyəsi planını və gələcək əməliyyat planlarını təqdim edib”, - məlumatda deyilir. "Qəzza zolağına humanitar yardımın tədarükü planı da təsdiqlənib", - baş nazirin ofisi əlavə edib.

Netanyahu fevralın 24-də bildirib ki, o, Qəzza zolağının cənubundakı Rəfah şəhəri ilə bağlı fəaliyyət planını, o cümlədən mülki əhalinin ərazidən çıxarılmasını hökumətin təsdiqinə təqdim edəcək.

Cavid