Fransalı jurnalist Antuan Qalindo fevralın 22-də Efiopiyada saxlanılıb.

Trend xəbər verir ki, bu barədə "France-Presse" (AFP) agentliyi məlumat yayıb.

Bildirilib ki, “Africa Intelligence” nəşrinin əməkdaşı Antuan Qalindo Efiopiyada xaos yaratmaqda ittiham olunur.
Afrika İttifaqının sammitini işıqlandırmaq üçün fevralın 13-də Efiopiyanın paytaxtı Əddis-Əbəbəyə gələn jurnalist Oromiya əyalətinə daha çox muxtariyyət tələb edən müxalif partiyanın nümayəndəsi ilə görüş zamanı həbs edilib.